Inhalt überspringen

Grootheider Leed

1.
Up disse Welt gifft dat en mojen Stee,
daar sünd de Minsken noch heel tofree;
de Lücht is immer süver un klaar,
hier aamt man up un föhlt sük wunnerbaar.

Refr.:
Koom na Grootheid, hier hest Dien Freid.
Sett Di even daal, verhaal di doch maal.
Gah nich in ’t Wiedt, wees bi uns blied,
nett as bi ’n Fier, so mooi is dat hier.

2.
Wi nögen Minsken heel geern hierher
un hopen, bi uns koom‘ immer mehr.
Hier bleiht up ‘t Moor noch Wullgras un Heid
un swartbunt Kohjen lopen in d‘ gröne Weid.

3.
Of Mann of Froo, dat is hier nettgliek;
Schöfeln un Bootfahren up Middelwiek.
Mit d‘ Pullstock springen wi över de Sloot,
Boßeln un Klootscheten könen wi recht good.

4.
De Möhlen dreiht sük bi uns in d‘ Wind,
hier seggt man „Moin“, dat weet elke Kind.
Wi proten Platt, drinken Tee – is doch klaar,
un Prüllkes gifft dat bi uns to Neeijahr.

5.
To mennig Fier smückt ‘n Boog de Döör,
Nabers un Frünnen sörgen heel wiss daarför!
Ja, in Grootheid kann jeder good leven,
hier helpt man sük un will geern ok wat geven.

Text u. Melodie:
Johann D. Rabenstein, Juni 2018